Berrikuntzaren aldeko apustua eta intentsitate teknologikoa ahoz aho dabiltzan honetan, interesgarria da esportatzen eta inportatzen diren produktuen osagai teknologikoa analizatzea, kanpoko merkatuen bilakaera industriala aztertzeko.

Horrelako produktuen esportazioen %27,6k eta inportazioen %17,7k Erresuma Batuan dute jomuga eta jatorria, herrialde horixe delarik gure bezero eta hornitzaile garrantzitsuena. AEBetako merkatua dago bigarren posizioan, %14ko eta %12,5eko tasekin esportazioetan eta inportazioetan.

Maila teknologiko altu edo ertain-altukoen artean sailkatuta dauden produktuak Bizkaiko esportazioen %38,2 izan ziren 2016an, 2015eko %34,3ko portzentajea baino 3,9 puntu gehiago.

Maila teknologiko altu eta ertain-altuko produktuen artean, nabarmentzekoa da, batez ere, tresna eta hornidura mediko eta odontologikoen fabrikazioak izandako hazkunde-tasa (%37,5), bai eta produktu informatiko, elektroniko eta optikoek izandakoa ere (%36,4). Inportazioei dagokienez, maila teknologiko altu edo ertain-altukoen artean sailkatutako produktuak inportazioen %44,5 izan ziren 2016an, 2015ean baino 2,2 puntu gehiago (%42,3).

Maila teknologiko altu edo ertain-altuko produktuen inportazioetan eraikuntza aeronautiko eta espazialeko produktuek izan dute hazkunde handiena (%31,6), eta industria kimikoko produktuak izan dira behera egin duten bakarrak (%7,1).

Maila teknologiko altuko esportazioen lurraldekako bilakaerak %9,3 egin du gora Euskadin azken urtean. Inportazioen kasuan, berriz, %17,2 igo dira. Lurraldeka, Arabak izan du hazkunde handiena 2015arekin alderatuta (%17,0), ondoren Bizkaiak (%15,4) eta hirugarren Gipuzkoak (%8,3).