Ekimen horren bidez, autoek, pistako jardunak nahiz lehiaketaren barruan egiten diren gainerako operazio guztiek sortutako karbono aztarna desagerraraziko da.

1 Formula berrikuntza teknologikoaren abangoardian egon da betidanik, eta autoaren industriari zuzenean eragin dioten aurrerapenak ekarri izan ditu. Mundu osoko auto enpresek aplikatu dituzte aerodinamikan, segurtasun-sistemetan, energia eraginkortasuneko sistemetan, nabigazio-tresnetan nahiz materialetan lortutako berrikuntza horiek. Orain, 1 Formulak erabaki du ingurumenarekin konprometitzea eta konpromiso hori lideratzea.

Helburu hori lortzeko, orain erabiltzen diren motor hibridoak erabiltzen jarraituko dute, baina %100 jasangarri izateraino hobetuko dituzte. Erregai sintetikoen erabilera funtsezkoa izango da, hain zuzen, 1 Formula duela hilabete batzuk hasi zen gai hori lantzen. Hala, bere helburua da karbonorik isuriko ez duten barne-konbustiozko motorrak sortzea.

Baina lehiaketaren helburu bakarra ez da eserleku bakarreko autoen isuriak murriztea. Proiektu honek pistatik kanpo sortzen diren karbono isuriak ere desagerrarazi nahi ditu. 2030erako helburuetako bat da bidaiak eraginkorrak izango direla bermatzeko ekintzak garatzea eta taldeen fabrika zein bulegoek soilik energia berriztagarriekin funtziona dezatela.

2025erako 1 Formulak orobat bermatuko du ekitaldi guztiak jasangarriak direla.

lavanguardia.com