Datorren urtean material arinagoak iritsiko dira, hala nola, altzairu aurreratuak eta erresistentzia handiko aleazio arinak, eta baita ere karbono zuntzez indartutako konposatuak; guztiak izango dira baliagarriak egunero erabiltzen ditugun produktuak –sakelakoak edo kirol zapatilak- arintzeko.

4.0 Industriari esker, manufaktura teknologietan gero eta sentsore gehiago daude; hala, posible da datu gehiago eskuratzea prozesuen egoera ezagutzeko, eraginkortasuna hobetzeko, produktuen kalitatea bermatzeko eta pertsonalizatzeko.

Informazio hori guztia banda zabalera handiko sareetan barrena dabil eta inoiz baino azkarrago prozesatzen da. Horregatik, AA gai izan liteke produkzio-lantegi baten egoera ezagutzeko eta erabaki onenak hartzeko denbora errealean.

Bestalde, software teknologia berriei esker (AA, datuen zientzia eta ezagutzaren ingeniaritza), posible da ingurune horri garun zentralizatu bat ematea (lainoko konputazioa) edo, bestela, hainbat garun sakabanatu (konputazio ubikuoa).

Hala ere, hori lortzeko ezinbestekoa da sistema immunologiko sendo bat izatea, eta horixe izango da zibersegurtasun-sistemen zeregina.

rtve.es