Suitza, Suedia, Holanda, AEBak eta Erresuma Batua dira buru urteko rankinean, eta beste herrialde batzuk, hala nola Indiak, Kenyak eta Vietnamek, garapen maila berbera duten herrialdeek baino emaitza hobeak lortu dituzte.

Ondorio garrantzitsuenak dira India berrikuntza-gune berri bihurtzen ari dela Asian, garapenerako berrikuntzako emaitzak onak direla Saharaz azpiko Afrikan eta badaudela berrikuntzarako gaitasuna hobetzeko aukerak Latinoamerikan eta Kariben.
Aurten hamargarren aldiz argitaratu den Berrikuntzaren Munduko Indizeak dio oraindik badela desfase bat berrikuntzarako gaitasunean herrialde garatuen eta garapen bidean daudenen artean, eta, era berean, ikerketa eta garapen jardueren aurrerapen-indizea kaskar samarra dela, bai Estatuan eta baita ere enpresetan.

Munduko Indizeak 130 ekonomiaren egoera ebaluatzen du urtero dozenaka parametro erabiliz: patente eskaeren aurkezpena, hezkuntzan egiten den gastua, e.a. Hala, hazkunde ekonomiko eta sozialerako gero eta garrantzitsuagoa den berrikuntza-jarduerari buruzko ikuspegi osotu bat ematen die erabakiak hartu behar dituztenei. Aurten, Munduko Indizeak atal berezi batean adierazi ditu munduko asmakuntza-gune garrantzitsuenak, hau da, non dagoen asmatzaile dentsitaterik handiena, nazioarteko patente eskaeren arabera.

wipo.int