Nahiz eta aparatu hori ez den existitzen, dagoeneko sortu dira errealitate horretara eta beste errealitate samurrago batzuetara -telesail britainiarrean agertzen direnak baino samurragoak- hurbiltzen gaituzten asmakizun batzuk, gorago aipatutakoa bezain harrigarriak.

Dagoeneko asmatuta daude teila baten tamaina duten etxeko eguzki xaflak, auto elektrikoak kargatzeko eguzki kargagailuak, kaleko argiak, semaforoak eta ur-termoak elikatzen dituzten xaflak… Horrezaz gain, erraz eros daitezke eguzki energiaz dabiltzan etxeko sukalde eta dutxak, eta sakelakoak, tabletak eta ordenagailuak eguzki energiaz kargatzeko balio duten kargagailu eta motxilak...

Eguzkiak jaten ere ematen digu. Hauxe dio Espainian ekologiaren eta eguzki energiaz dabiltzan aparatuen zabalkundean aitzindari den Fundación Tierra erakundeko presidente Jordi Mirallesek: “eguzki energiaz dabiltzan 140 zentimetroko diametrodun sukalde parabolikoek 600 watio ematen dituzte eta 200 gradu zentigradutan sukaldatu dezakete. Posible da 25 bazkaltiarrentzako paella bat prestatzea gasezko sukalde batek behar duena baino %20 denbora gehiagorekin. Eta baliagarri dira nazioarteko lankidetza proiektuetarako ere”.

Eguzki energiaz dabilen autoa ere errealitate bat da dagoeneko. Tesla enpresak auto elektrikoaren inguruko 200 patente liberatu zituen 2014an, eguzki energiaz dabiltzan autoetan zentratzeko. Espainian, Malagako Evovelo enpresak Mö sortu du, eguzki energiaz dabilen hiru gurpileko hiriko ibilgailu txiki bat, bi lagunentzako modukoa; 4.500 euro inguru balio ditu eta 50 kilometroko autonomia du.

elpais.com