Massachusetts-eko Brigham and Women ospitalean Spot erabiltzen ari dira pandemiak dirauen bitartean. Konpainiako kideek azaldu dute lau hankako robota osasun arloko langile bihurtu zela aste gutxiren buruan. Horretarako, iPad batekin eta bi norabideko irrati batekin hornitu dute robota: hala, osasun arloko langileek bideokonferentziak egin ditzakete pazienteekin, eta zuzenean kontrolatzen dute Spot; bien bitartean, txakur-robota gelaz gela dabil SARS-COV-2 birusarekin kutsatutako pazienteen artean.

Ospitalea duela sei aste jarri zen harremanetan Boston Dynamics enpresarekin, pandemia Estatu Batuetan lehertzen hasi zenean eta New York pandemiaren epizentro global bihurtu zenean. Lankidetza horren helburua da osasun arretaren lehen lerroan dauden langileen esposizioa murriztea.

Harrezkero, Spot birprogramatu egin dute pazienteen lehen ebaluazioa egiten lagundu dezan (normalean bost profesionaleraino behar izaten dira lan hori egiteko). Aliantza honi buruzko lehen txostenek diote emaitzak positiboak izan direla, eta robotak lagungarri izan direla, osasun arloko langileek ahalik eta denbora gutxien igaro dezaten kutsakor izan daitezkeen pazienteekin.

ticbeat.com