Azken urteetan, enpresa gehienek mundu digitaleranzko “eraldaketa” prozesu bat bizi izan dute, baina 2020an “azkartu” egin da prozesu hori.RedHat txostenak beste bi aldagai gehitu ditu jakiteko zein puntutan zeuden erakundeak eraldaketa digitaleranzko bidean.

Asmoa zen jakitea ia “geldirik” zeuden, hau da, etenda ote zuten prozesu eta teknologia berrien ezarpena, eta baita ere ia “azkartu” ote zuten prozesua, hau da,uste baino arinago hasi zituzten eraldaketa digitaleko ekimenak edo bizkortu egin behar izan zituztenabian zeudenak.

Inkestatutakoen %21ek adierazi zuen uste baino lehenago abiarazi behar izan zituela eraldaketa digitaleko planak eta %6k esan zuen eten egin behar izan zituela.Kontuan hartzen badira beren sektoreen barruan eraldaketa digitala lideratzenari diren erakundeak (%15) eta eraldatzen jarraitzen dutenak (%29), esan dezakegu %65 prozesu horretan aurrera egiten ari direla.

Inkestatuen ustez, enpresetako eraldaketa digitala arrakastatsua izan dadin, ezinbestekoa da lankidetza areagotzea sail komertzialaren eta IT sailaren artean (%30) eta eraldaketa edo bilakaera kultural bat gertatu dadila IT sailaren barruan (%27); azken portzentaje hori %35era iristen da RedHat-eko bezero diren adituei galdetzen zaienean.

Hona hemenarrakasta lortzeko beste arrazoi garrantzitsu batzuk: lainoko teknologia eta azpiegituren ezarpena (%28), azken buruko erabiltzaileei esperientzia digital hobea eskaintzea (%27) edo azkartasun handiagoa eskaintzea IT zerbitzuetan (%27).

Inkestatuek lehentasun “bakarra” aukeratu behar dutenean eraldaketa digitala gauzatzeko, “kultura” azken planora pasatzen da (%6) eta beste lehentasun batzuk sortzen dira, hala nola berrikuntza (%23), segurtasuna (%19), erabiltzailearen esperientzia (%13) eta kostuen aurrezkia (%11).

zonamovilidad.es