Berrikuntzako errendimendua % 12,5 hazi da 2014az geroztik.Ikusten da EB barruan etengabeko konbergentzia bat gertatzen ari dela, zeinaren arabera emaitza baxuenak dituzten herrialdeak emaitza onenak dituztenak baino azkarrago hazten ari baitira; hala, batzuen eta besteen arteko etena gero eta txikiagoa da.

Mundu mailan, EBk atzean utzi ditu, besteak beste, Txina, Brasil, Hegoafrika, Errusia eta India; aldiz, zerrendaren buru jarraitzen dute Hego Koreak, Kanadak, Australiak, Estatu Batuek eta Japoniak.

EBko herrialdeak lau multzotan banatzen dira: berrikuntzako liderrak, berritzaile handiak, berritzaile moderatuak eta berritzaile hasiberriak.Hona hemen txostenak jaso dituen emaitza batzuk:

• Suediak berrikuntzako lider izaten jarraitzen du EBn; atzetik ditu Finlandia, Danimarka eta Belgika, eta guztiak daude EBko batez bestekoaren gainetik berrikuntza arloko errendimenduan.
• Berrikuntzako liderrak eta berritzaile handi gehienak Europa iparraldean eta mendebaldean daude; berritzaile moderatu eta hasiberri gehienak, aldiz, Europa hegoaldean eta ekialdean.

InnovationScoreboard txostenak bere baitan hartu ditu digitalizazioari eta ingurumen jasangarritasunari buruzko adierazle berriak, eta adierazle horiek barne hartuz egokitu egin da EBren politiken lehentasunetara. Urtero egiten den European InnovationScoreboard (EIS) txostenak ebaluazio konparatibo bat egiten du EBko herrialdeetako ikerketa eta berrikuntza arloko emaitzen eta Europako beste herrialde batzuetako nahiz inguruko herrialdeetako emaitzen artean.Horrela, aukera ematen die arduradun politikoei ikerketa eta berrikuntzako sistema nazionalen indargune eta ahulune erlatiboak ebaluatzeko, aurrerapenen jarraipena egiteko eta berrikuntzaren errendimendua bultzatu ahal izateko lehentasunezkoak diren eremuak identifikatzeko.

EISekaztergai ditu EBko estatu kide guztiak, bai eta Islandia, Israel, Montenegro, Ipar Mazedonia, Norvegia, Serbia, Suitza, Turkia, Ukrainia eta Erresuma Batua.Halaber, EISekbeste alderaketa bat egiten du EBren eta Australia, Brasil, Kanada, Txina, India, Japonia, Errusiar Federazioa, Hegoafrika, Hego Korea eta Estatu Batuen artean, baina alderaketa horretan mundu mailako adierazle gutxiago barne hartzen ditu.

ec.europe.eu