Emaitza horiek lortzeko, sistemak ordenagailu bidezko tomografien (TAC) irudiak aztertzen ditu. Hala, koronabirusaren diagnostiko goiztiarra egin daiteke, eta baita ere birus horren gaitzak -hots, Covid-19 delakoak- eragiten duen pneumoniaren jarraipena. Lehen probek hainbesteko arrakasta izan dute unibertsitate-ospitalean, ezen hango medikuek herrialde osoko osasun-zentroei eskaini baitie TAC irudiak bidaltzeko aukera, handik bertatik analizatzeko ahalik eta azkarren.

Adimen artifizial honen bidez, osasun arloko langileek berehala jakin dezakete zein motatako pneumonia duen pazienteak (Covid-19 gaitzak eragindako pneumonia birala edo bakteriekin lotutako beste patologiaren bat, adibidez). Gainera, sistema honek zentimetro kubikotan kalkulatzen du zein neurritaraino dauden birikak kaltetuta, eta pronostikoaren ebaluazioa egin dezake; hau da, diagnostikatu dezake pazienteak hobera edo okerrera egingo duen.

Era berean, Italiako eta Europa osoko kutsatu kopuruak asko hazten ari diren honetan, teknologia hau lagungarri izango da koronabirus berriari buruzko ikerketak azkartzeko.

economiadigital.es