Ekonomia digitala (onlineko eskaerak eta entrega zerbitzuak barne) eta sare sozialen eragin gero eta handiagoa direla-medio, kontsumitzaileek ez dituzte lehengo moduan deskubritzen esperientzia gastronomikoak, eta elkarreragina eta gozatzeko modua ere desberdina da. Halaxe dio American Express enpresak Estatu Batuetan egin duen azken inkestak jatetxeen sektoreko kontsumo joerei buruz.

Sare sozialak funtsezko tresna bilakatu dira kontsumitzaileen esperientzia gastronomikoan. Bezeroen %31k dio jatetxe bat bisitatu ondoren aipamen baikorren bat edo argitalpenen bat egin dutela sare sozialetako profilean, post horretan espreski aipatuz jatetxean aukeratutako janaria edo edaria.

Inkestatuen %43k adierazi du eramateko janaria eskatu dutela (lokalean jasotzeko edo etxera eramateko) aplikazio edo web orri baten bidez, gutxienez behin azken hilabetean. Millennial belaunaldia da joera horren buru (%62), eta Baby Boomer direlakoak datozkio atzetik (%28).
Oro har, jatetxe jabeek ikuspegi baikorra dute beren establezimenduaren etorkizunaz. %54ak dio aurreko urtean baino diru-sarrera gehiago izan dituela, eta %72ak hazkundea espero duela datozen 12 hilabeteetarako.
expansion.com