Ibilgailuak propultsatzeko energia biltegiratu eta sistema elektrikoak elikatzen dituzten bateriek baduteeragozpen handi bat ibilgailu txikietan inplementatzeko orduan: bateria horien tamaina eta pisua bateraezina da autonomia maila onargarri batekin eta potentzia altuko karga-sistemekin. Horregatik, teknologia honen erabilpen praktikoa mugatua da.

Ibilgailu elektriko handiagoek badute bateriarentzako adina espazio, eta hau ere mugatua den arren, nahikoa da autonomia onargarri bat lortzeko. Aldiz, motozikleten munduan askoz murritzagoa da dena.DoosanMobilityInnovation (DMI) enpresarekin elkartu ondoren, MITek ondorioztatu du bateriadun ibilgailu elektrikoak oztopo gaindigaitza direla garapenaren fase honetan.

Hala, lantaldeak beste aukera batzuk aztertu nahi ditu, eta hidrogenozko erregai-zelda txikien erabilpena lantzen hasi da, uste baitukonponbide bideragarria izan daitekeela sektorerako.Zentzu horretan, joan den martxoaren 29an iragarri zuten hidrogenoz propultsatutako motozikleta elektriko bat eraikiko zutela.

Zehaztasunetan sartu gabe prentsa-oharrean aipatzen da sistema hau elikatzeko “hidrogeno berdea ekoitziko dela”, eta horixe da hain zuzeneztabaida gehien sortzen duen alderdietako bat hizpide dugun teknologia inplementatzeko orduan.Izan ere, hidrogenoa ekoizteko energia berriztagarriak erabiltzea da prozesu hori energetikoki eraginkor egiteko modu bakarra.

DMIren eta MITen arteko akordioaren arabera,DMIk bere DM15 erregai-pilaren modulua emango dio MITi, zeinak 1,5 kW-ko potentzia eskain baitezake.Bestalde, Institutuko ikasleak modulu hori integratzen ahaleginduko dira, motozikleta bati akoplatutakoan nola funtzionatzen duen aztertzeko.

hibridosyelectricos.com