Kontrolpean izan ohi dugu eguneroko lana: ezagutzen ditugu gure lankideak, gure lanpostua, bezeroak? ezustekorik gabeko zortzi ordu dira, eta ezustekoren bat sortuko balitz ere, gai izango ginateke kontrolatzeko. Programa informatikoetan oinarritutako Agile metodologiak, berriz, eszenatoki bare horien kontrakoak dira. Gero eta inpaktu handiagoa dute enpresetan, eta proiektuka antolatzen dituzte taldeak, entrega-epe laburrekin. Horrela dispertsioa saihesten da eta arreta osoa zentratzen da agindutako ataza bakar horretan.

Agile metodologia erabiltzen hasteak berekin dakar kultura-aldaketa bat lan egiteko eran. Oro har, enpresek nahiago izaten dute beren langileen denbora aldibereko proiektu osagarri bat baino gehiagotara bideratzea. Eredu honek, berriz, %100eko dedikazio esklusiboa ematen dio ataza bakoitzari. BBVAko Agile organization saileko arduradun Antonio Bravok azaldu duenez, produktibitatea esponentzialki hazten da. ?Lotura handiagoa lortzen da produktuarekin eta sortzen diren konponbideak askoz sendoagoak dira. Arlo guztietako eta inplikazio handiko pertsonak bilatzen ditugu?, zehaztu du.

elpais.com