10 langile edo gehiagoko Bizkaiko enpresen %24,5ek teknologi berrikuntzarekin lotutako jardueretan gastatu dute 2013. urtean, hau da, 2012an baino apur bat gehiago (%24,3).
Bizkaian berrikuntza teknologikoetan eginiko gastua guztira 1.033 milioi eurokoa izan zen 2013an, eta horrek esan nahi du enpresa bakoitzaren batez besteko gastua 741.548 eurokoa izan zela.

Produktu edota prozesu berritzaileak sortu dituzten Bizkaiko enpresa berritzaileen portzentajea %26,5ekoa izan da 2013an, hau da, aurreko urtean baino 0,7 puntu altuagoa. 10 langile baino gehiagoko Bizkaiko enpresek produktuan (%18,2) baino prozesuan (%21,3) berritzen dute gehiago.

Bizkaiko enpresen %91,3ren iritziz berrikuntza teknologikoak efektu garrantzitsuak dauzka beren jardueraren garapenean.

Nagusiki produktuen gainean du eragina (%85,0) eta kalitate handiagoa ematen die ondasun eta zerbitzuei (%74,3). Enpresen %71,7k uste du berrikuntza teknologikoak efektu garrantzitsuak dauzkala prozesuetan, produkziorako edo zerbitzuak emateko gaitasuna handitzen duelako (%58,6).

Hona hemen aurreTIK 2015 azterlanean analizatu diren alderdi batzuk:

• Produktuan edo/eta prozesuan berritzen duten enpresak
• Berrikuntza teknologikoaren efektuak
• Berrikuntza teknologikoko jardueretarako informazio iturriak
• Lankidetza hitzarmenak dituzten establezimenduak
• Berrikuntzaren finantzazio publikoa
• Berrikuntza eragozten duten faktorekak
• Patenteak eta bestelako babes metodoak
• Antolakuntzako berrikuntza
• Merkaturatze berrikuntzak