Dokumentu honetan arautzen da nola tratatu behar diren erabiltzaileek eta bisitariek emandako datu pertsonalak, bai eta Bizkaiko Berrikuntzaren Behatokiaren (Bizkaiko Foru Aldundiko Ekonomi eta Lurralde Garapena sustatzeko Sailaren menpeko ekimena, aurrerantzean Barrixe) zerbitzuetan interesatuta daudenek emandakoak, beti ere bat etorriz 2016/679 Datuen Babeserako Erregelamendu Orokorrak (Europako Legebiltzarraren eta Kontseiluaren 2016ko apirilaren 27ko Araudia) eta Datu Pertsonalen Babesari eta Eskubide Digitalen Bermeari buruzko abenduaren 5eko 3/2018 Lege Organikoak ezarritakoarekin.
Pribatutasun Politika honen helburua da ezagutzera ematea nola jasotzen, erabiltzen eta babesten diren datu pertsonalak, euren datuak Barrixe-ri lagatzen dizkioten pertsonek askatasunez eta beren borondatez erabaki dezaten datu pertsonal horiek eman nahi dituzten ala ez horretarako ezarritako inprimakietan. Era berean, Pribatutasun Politika honek arautzen du nola erabiliko diren pertsona bakoitzak iraganean eta webgunea ez den beste bide batzuetatik eman dituen datuak, edo etorkizunean Politika honen babesean eman ditzakeenak, baldin eta ez badute kontraesaten datuak emateko unean espresuki onartutakoa, hori izango baita kasu guztietan errespetatuko dena.
Web orri honetan sartzen den eta erabiltzen duen guztiak osorik onartzen du Pribatutasun Politika hau eta, beraz, behartuta dago bertan jasotako termino eta baldintzak betetzera. Pribatutasun Politika hau aldatu egin liteke arau berrietara, jurisprudentziako ebazpenetara edo Barrixe-ren beharretara egokitzeko.
Web orri honetan erabiltzaile guztien datu pertsonalak errespetatzen eta zaintzen dira. Erabiltzaile zaren aldetik, jakizu zure eskubideak bermatuta daudela.
Web orri honetan eskaintzen diren zerbitzu guztietan klausula informatibo espezifiko bat aurkituko duzu, zeinetan azaltzen den nola erabiliko diren kasuan kasuko zerbitzua gauzatzeko eskatzen zaizkizun datu pertsonalak.
DATUEN TRATAMENDUAREN ARDURADUNAREN IDENTIFIKAZIOA ETA DATUAK
Bilboko Merkataritza Ganbera Zuzenbide Publikoko Korporazio bat da, Administrazio Publikoentzako aholkularitza eta lankidetza organoa, zeinaren helburua baita merkataritza, industria, zerbitzu eta itsasketa arloetako interes orokorrak ordezkatzea, sustatzea eta defendatzea, eta zerbitzuak ematea enpresei.
Datuen tratamenduko arduraduna den aldetik, Bilboko Merkataritza, Industria, Zerbitzu eta Itsasketa Ganberarekin harremanetan jar zaitezke modu hauetan:
- Presentzialki edo postaz (Bilboko Merkataritza, Industria, Zerbitzu eta Itsasketa Ganberari zuzenduta): Bilboko Merkataritza Ganbera. Errekalde zumarkalea 50, 48008 Bilbo (Berrikuntzaren behatokia)
- Posta elektronikoz / telefonoz: info@barrixe.com; atencionaclientes@camarabilbao.com;
944 70 65 00
DATU PERTSONALEN TRATAMENDUA ETA ERABILERAREN HELBURUAK
Bilboko Merkataritza, Industria, Zerbitzu eta Itsasketa Ganberak jasotzen dituen datu pertsonalak tratatzen ditu, horrela betetzeko apirilaren 1eko Merkataritza, Industria, Zerbitzu eta Itsasketa Ganbera Ofizialen oinarrizko 4/2014 Legeak ezartzen dizkion xedea eta funtzioak, zeintzuk baitira, besteak beste: ekintzak bultzatzea enpresa txiki eta ertainen lehiakortasuna hobetzeko, eta berrikuntza eta enpresetaranzko transferentzia teknologikoa sustatzeko. Eta, zehazkiago, helburu hauetarako:
Tratamendu automatizatuak
- Enpresa eta partikularrei eskainitako zerbitzuen bezeroak, kolaboratzaileak eta hornitzaileak
- Ondoko hauek kudeatzea eta tramitatzea: enpresa eta bezero partikularrei edo Bilboko Merkataritza, Industria, Zerbitzu eta Itsasketa Ganberari atxikitako enpresei edo bakarkako enpresariei ematen zaizkien zerbitzuak (Bilboko Merkataritza, Industria, Zerbitzu eta Itsasketa Ganberak antolatu edo emandako jarduerak, ekitaldiak, e.a.) eta hornitzaile zein kolaboratzaileei eginiko eskaerak zerbitzuaren kudeaketa eta fakturaziorako.
- Administrazioa eta erregistroa kudeatzea.
- Osoki garatzea eta betetzea Merkataritza, Industria, Zerbitzu eta Itsasketa Ganbera Ofizialei buruzko apirilaren 1eko 4/2014 Oinarrizko Legeak Bilboko Merkataritza, Industria, Zerbitzu eta Itsasketa Ganberari egotzitako eskumen eta funtzio publiko-administratiboak.
- Bilboko Ganberaren parte-hartzearekin egiten diren programa edo ekintzak kudeatu eta tramitatzea (administrazio publiko eta beste erakunde batzuekiko lankidetza-tresnen markoan garatzen direnak arlo hauetakoren batean: nazioartekotzea, lankidetza edo enplegagarritasuna), edo Bizkaiko merkataritza, industria, zerbitzu eta itsasketa sektoreen lehiakortasuna hobetzeko beste edozein ekintza kudeatu eta tramitatzea.
- Lagapenak: Gipuzkoako eta Arabako Ganberei, Zerga Administrazioari, Espainiako Ganberari, Eusko Jaurlaritzari, FEDER Funtsari, Bizkaiko Foru Aldundiari, erakunde publikoei, finantza-erakundeei eta Bilboko Merkataritza Ganberaren beste erakunde kolaboratzaile edo babesle batzuei.
- Jakinarazpen komertzial eta informazio interesgarriaren bidalketa
- Enpresa eta partikularrei zuzendutako jakinarazpen komertzialen eta informazio interesgarrien bidalketa kudeatzea 4/2014 Legean ezarritako xede eta funtzioak betetzea helburu duten produktuak saltzeko edota zerbitzuak emateko, bai hartzailea bezero denean edo Bilboko Ganberari atxikita dagoenean, eta bai bezero ez izanik ere bidalketak egitea eskatu duenean, horretarako baimena eman ondoren.
- Interesatuen informazio-eskaeren kudeaketa
- Interesatuek Webguneko espazioen edo bestelako komunikazio-kanalen bitartez eginiko informazio-eskaerak eta zalantza edo galderak erantzutea.
- Lagapenak: enpresei eta beste erakunde kolaboratzaile batzuei.
- Bilboko Ganberarako harpidetzak
- Bilboko Ganberan gaitutako harpidetzen kudeaketa.
ENPRESARI INDIBIDUALEN ETA ENPRESETAKO HARREMANETARAKO PERTSONA FISIKOEN DATUAK
Bilboko Merkataritza, Industria, Zerbitzu eta Itsasketa Ganberak, Datuen Babeserako Lege Organikoaren 19.3 artikuluaren arabera, badu legitimitatea hainbat datu mota tratatzeko, nola baitira enpresari indibidualen datuak, eta euren zerbitzuak pertsona juridiko batean ematen dituzten pertsona fisikoekin harremantzeko datuak, helburua denean pertsona horiek profesionalki lokalizatzea, edozelako harremanak izatea bere zerbitzuak baliatzen dituen pertsona juridikoarekin, edo, enpresari indibidualen kasuan, eurekin harremanak izatea enpresariak diren aldetik. Eta hori guztia, legez behartuta dagoelako Bizkaiko enpresen Errolda Publiko bat egitera, eta Merkataritza Ganberen Oinarrizko 4/2014 Legean ezarritako xede, eskumen eta funtzioak bete behar direlako.
DATUEN JATORRIA
Jasotako datu pertsonalak zuzenean jasoak izango dira interesatuarengandik, edo datuen titularrarengandik, edo bere lege-ordezkariarengandik, edo berak espresuki baimendutako beste norbaitengandik, edo Administrazio Publikoengandik (apirilaren 1eko Merkataritza, Industria, Zerbitzu eta Itsasketa Ganbera Ofizialen oinarrizko 4/2014 Legean ezarritakoaren arabera), edo edonorentzat eskuragai dauden iturrietatik.
EMANDAKO DATUEN ZEHAZTASUNA ETA EGIAZKOTASUNA
Bilboko Merkataritza, Industria, Zerbitzu eta Itsasketa Ganberaren zerbitzuen erabiltzaileek kasu guztietan bermatzen dute emandako datu pertsonalak zehatzak direla, indarrean daudela, eta benetakoak direla, erantzukizuna hartzen dute datu horien gainean, eta hitzartzen dute eguneratuta edukiko dituztela.
DATUEN KONTSERBAZIOA
Datu pertsonalak xede baterako ematen direnez, datu horiek gordeta geldituko dira xede hori betetzeko beharrezkoa den denboran, interesatua eta antolakundea elkarrekin harremanetan egon daitezen xede horren baitan, baldin eta erabiltzaileak ez badu eskatzen ezabatu daitezela. Era berean, datuak gordeta geldituko dira legeak Bilboko Merkataritza, Industria, Zerbitzu eta Itsasketa Ganberari ezartzen dizkion betebeharrak betetzeko beharrezkoa den epean.
LEGITIMAZIOA. DATUAK ERABILTZEKO GAITZEN DUEN TITULU LEGALA
Ganbera legitimatuta dago datuak erabiltzeko Datuen Babeserako Europako Erregelamendu Orokorraren 6. eta 9. artikuluetan eta DBLOren 19.3 artikuluan ezarritako baldintzetan, eta datuen titularrari jakinaraziko dio emandako zerbitzu bakoitzean aplikatzen den zilegitasun-titulua, zeina izan baitaiteke onespena, edo harreman juridiko bat gauzatzea -harreman juridiko horretan alderdietako bat izango delarik datuen titularra- edo betebehar legal bat betetzea, edo Bilboko Merkataritza, Industria, Zerbitzu eta Itsasketa Ganberaren interes legitimoa edo bere interes publikoa.
Era berean, Bilboko Merkataritza, Industria, Zerbitzu eta Itsasketa Ganberako bezero, edo hari atxikitako erakunde, zaren neurrian, Informazio Gizartearen eta Merkataritza Elektronikoaren Zerbitzuei buruzko 34/2002 Legearen 21.2. artikuluak ahalmena ematen digu zuri jakinarazpen komertzialak bidaltzeko tresna elektronikoen bidez eskaintzen ditugun zerbitzuei buruz.
HARTZAILEAK, TRANSFERENTZIAK ETA LAGAPENAK
Datuak Bizkaiko Foru Aldundiko Ekonomi eta Lurralde Garapena sustatzeko Sailari lagako zaizkio. Bilboko Merkataritza, Industria, Zerbitzu eta Itsasketa Ganberak ez du beste lagapenik egingo datuak tratatzen ari diren artean, salbu legezko obligazio bat bete behar badu, edo aurrez interesatuari baimena eskatzen badio hala egiteko beharra dagoen kasuetan, eta halakoetan baimena eskatzearekin batera jakinaraziko zaio zein ondorio izan ditzakeen bere datuak ez emateak eta, zehazki, kasuan kasuko zerbitzua eman ezina.
Bilboko Merkataritza, Industria, Zerbitzu eta Itsasketa Ganberak eskaintzen dituen zerbitzuak emateko baliteke jakinarazpenak egin behar izatea Bilboko Ganberaren tratamenduaz arduratzen diren zerbitzu informatikoetako enpresei, betiere datuen tratamendurako bete beharreko konfidentzialtasun eta segurtasun baldintzak betez; baliteke, halaber, enpresa horiek Europar Batasunetik kanpo egotea, eta kasu horretan Estatu Batuen eta Europar Batasunaren arteko Privacy Shield (Pribatutasun Ezkutua) akordioak babestuko lituzke jakinarazpenak. Informazio gehiago hemen: https://www.privacyshield.gov
SEGURTASUN ETA KONFIDENTZIALTASUN NEURRIAK
Bilboko Merkataritza, Industria, Zerbitzu eta Itsasketa Ganberak konpromisoa hartzen du: konfidentzialtasuna errespetatzeko erabiltzaileen datu pertsonalak erabili eta tratatzean; datuak jaso ziren xederako baizik ez erabiltzeko; datuen babeserako indarrean dagoen legeriari jarraituz datu horiek gordetzeko, eta behar diren neurriak hartzeko inork ez ditzan aldatu, galdu ez baimenik gabe erabili nahiz eskuratu.
Webgune honek badu SSL ziurtagiria. Segurtasun protokolo bat da, zeinari esker datuak osorik eta modu seguruan transmititzen diren, esan nahi baita, zerbitzari baten eta webeko erabiltzaile baten arteko datu transmisioa (eta atzeraelikadura) guztiz zifratua edo enkriptatua dela.
Bilboko Merkataritza, Industria, Zerbitzu eta Itsasketa Ganberak ezin du bermatu Internet sarearen erasoezintasuna eta, hortaz, ezin du bermatu hirugarrenek ez dituztela datu horiek eskuratuko eta erabiliko baimenik gabe eta iruzur bidez.
Konfidentzialtasunari dagokionez, errespetuz tratatuko dira Webgunearen edo erabiltzaileekin izandako komunikazioen bitartez jasotako datu pertsonal guztiak, eta Ganberak konpromisoa hartzen du datu guztiak sekretupean gordetzeko, aplikatzekoa den legerian ezarritakoari jarraiki.
Segurtasun arazo bat gertatzen bada, Bilboko Merkataritza, Industria, Zerbitzu eta Itsasketa Ganberak horren berri emango dio Bezeroari, hura gertatu dela jakin bezain laster eta luzamendurik gabe, eta Segurtasun Gertakari horri buruzko informazioa eman beharko dio, ezagutzen duen bezala eta bezeroak modu arrazoituan eskatzen badu.
ESKUBIDEAK
Bilboko Merkataritza, Industria, Zerbitzu eta Itsasketa Ganberak aukera ematen die interesatuei euren datu pertsonalen tratamenduarekin lotutako eskubide hauek erabiltzeko:
- Datu pertsonaletara sartzea eskatzeko eskubidea.
- Datuak zuzendu nahiz ezabatzea eskatzeko eskubidea.
- Datuen tratamendua mugatzea eskatzeko eskubidea.
- Datuen tratamendua aurkaratzeko eskubidea.
- Datuak tokiz aldatzeko eskubidea.
- Emandako baimena erretiratzeko eskubidea.
Edonork dauka eskubidea jakiteko Bilboko Merkataritza, Industria, Zerbitzu eta Itsasketa Ganberak bere datu pertsonalak tratatzen dituen ala ez. Interesatuak eskubidea dauka, orobat, bere datu pertsonaletara sartzeko eta eskatzeko zuzendu daitezela baldin zuzenak ez badira, edo, hala balegokio, eskatzeko ezabatu daitezela baldin, besteak beste, datuak ez badira beharrezkoak bildu ziren xederako.
Zenbait testuingurutan, interesatuek eska dezakete mugatu dadila euren datuen tratamendua, eta kasu horietan datuak gordeta geldituko dira soilik erreklamazioak egin nahiz defendatzeko. Zenbait testuingurutan, eta bere egoera berezia dela medio, interesatuak aukera du bere datuen tratamendua aurkatzeko. Kasu horietan, Bilboko Merkataritza, Industria, Zerbitzu eta Itsasketa Ganberak ez ditu gehiago tratatuko datu horiek, salbu eta lege arrazoiengatik ezinbestekoa denean edo balizko erreklamazioak egin nahiz defendatzean.
Interesatuak baimena eman badu bere datuak erabiltzeko xede zehatz baterako, noiznahi erretiratu dezake baimena eta horrek ez du esan nahi erretiratu aurretik datuei eman zaien tratamendua ez denik izan legitimoa, baimen horretan oinarritu baita.
Interesatuak Bilboko Merkataritza, Industria, Zerbitzu eta Berrikuntza Ganberak gaitutako inprimakiak erabili ahal izango ditu emana duen baimena erretiratzeko.
Interesatuak sentitzen badu, datu pertsonalen babesari dagokionez, bere eskubideak ez direla betetzen, erreklamazio bat aurkeztu ahal izango du Datuen Babesa Kontrolatzeko Agintaritza eskudunean, bere web orriaren bitartez (www.agpd.es).
Informazio gizartearen eta merkataritza elektronikoaren zerbitzuei buruzko 34/2002 Legearen 21. artikuluan aurreikusitakoari jarraiki, ez baduzu informazio gehiago jaso nahi gure zerbitzuei buruz, baja har dezakezu Bilboko Merkataritza, Industria, Zerbitzu eta Itsasketa Ganberaren helbide elektronikoan (info@barrixe.com), mezuaren gaian esaldi hau idatzita: “Ez bidali posta elektronikorik”.
SEGURTASUN POLITIKAREN EGUNERATZEA
Litekeena da Pribatutasun Politika hau eguneratu behar izatea, eta horregatik berrikusiko da aldiro-aldiro. Pribatutasun Politika webgunearen oinean jarriko da. Halere, jakinaraziko dugu pribatutasun politika honetan egiten dugun edozein aldaketa, baldin eta aldaketa horrek eragina badu Bilboko Merkataritza, Industria, Zerbitzu eta Itsasketa Ganberak jasotako datu pertsonalen tratamenduan.
Argitaratuta dago jada aurreTIK 2015 azterlana, Bizkaiko Berrikuntza Teknologikoari buruzko Inkesta. EUSTATen inkestak 2012-2013 urteak aztertu zituen, eta orain barrixe behatokiak 10 langile edo gehiago dituzten Bizkaiko enpresen datuak aztertu ditu argitaratu berri duen aurreTIK azterlanean.