Aurretik 2017 azterlan bat da eta azterlan hori egiteko oinarritzat hartu dira 2015eko Berrikuntza Teknologikoaren Inkestako datuak. Eustat ? Estatistikaren Euskal Erakundeak eginiko inkesta horretan, hainbat aldagairen emaitzak jasotzen dira aribideko urterako eta aurreko bietarako (kasu honetan, 2013, 2014 eta 2015erako). Informazio hori ad-hoc eskatu dio Eustati Barrixe ? Bizkaiko Berrikuntzaren Behatokiak.

Berrikuntza produktu/prozesuan
Produktu edota prozesuan berritzen duten Bizkaiko enpresen portzentajea %28,6koa izan da 2015ean, hau da, aurreko urtean baino 3,2 puntu altuagoa.

Berrikuntza antolakuntzan

Bizkaiko enpresen %16,5ek horrelako aldaketaren bat egin dute 2013-2015 aldian. Ehuneko hori 2012-2014 aldikoa baino 0,2 puntu handiagoa da.

Berrikuntza merkaturatzean
Merkaturatze arloko berrikuntzari dagokionez, Bizkaiko establezimenduen %9,2k merkaturatze arloko aldaketaren bat egin dute 2013-2015 aldian. Ehuneko hori 2012-2014 aldikoa baino 0,1 puntu txikiagoa da.

Efektuak
Bizkaiko establezimenduen %94,4ren iritziz, berrikuntza teknologikoak efektu garrantzitsuak dauzka beren jardueraren garapenean. Establezimenduen %61,3k uste du egin dituzten berrikuntzek efektuak dituztela enpleguan, eta horietatik %31,3k esan dute berrikuntzek enplegu gehiago sortu dituztela.

Lankidetza
Bizkaian berritu duten establezimenduen %29,6k I+G-ko jardueren inguruko lankidetza-hitzarmenak izenpetu dituzte beste enpresa edo erakunde batzuekin 2013-2015 aldian. Portzentaje hori 2012-2014 aldikoa baino 4,4 puntu beherago dago.

Zailtasunak
Baina enpresek zailtasunak izan dituzte berrikuntzak garatzeko orduan, zehazki, Bizkaiko establezimenduen %65,6k zailtasunen bat aurkitu dute 2015ean beren berrikuntza jardueretan. Portzentaje horrek erakusten du egoera hobetu egin dela, 2014koa baino 1,3 puntu txikiagoa baita.

Hona hemen aurreTIK 2017 azterlanean analizatu diren alderdi batzuk:

• Teknologi Berrikuntzarako
• Produktuan Edo/eta Prozesuan Berritzen Duten Enpresak
• Berrikuntzetan gastatzen duten enpresak
• Berrikuntzek izandako inpaktu ekonomikoa
• Berrikuntza Teknologikoaren Efektuak
• Lankidetza Hitzarmenak Dituzten Establezimenduak
• Berrikuntza Teknologikoko Jardueretarako Informazio Iturriak
• Berrikuntzaren Finantzazio Publikoa
• Merkaturatze Berrikuntza
• Antolakuntzako Berrikuntza
• Patenteak Eta Bestelako Babes Metodoak