Enpresa guztiak kontuan hartuta, Bizkaiko enpresa berritzaileen ehunekoa %22,9koa izan zen 2022an. Enpresen %11,7k berrikuntzak egin zituzten produktuetan; eta %20,6k, negozioko prozesuetan.

2022an, 10 langile edo gehiago dituzten enpresa berritzaileen ehunekoa %35,4koa izan zen Euskadiko Autonomia Erkidegoan, hau da, urtebete lehenago baino 2,8 puntu gehiagokoa eta orain dela lau urte baino 55 puntu gehiagokoa, metodologia berriaren arabera 2018koa lehenengoa seriea izan zela kontuan hartuta. Antzemandako bi eratako berrikuntzak aztertuz gero, enpresen %22,6k produktuen berrikuntza egin dute; eta %30,7k, negozioko prozesuen berrikuntza.

Jarduera horietan, barruko I+Gko gastua %54,5ekoa izan da; I+Gko erosketa (kanpoko I+G), %13,2koa; eta beste jarduera berritzaile batzuk, gainerako %32,3koa, enpresa guztiak kontuan hartuta. Banaketa hori ez da oso desberdina izan 10 langileedo gehiago dituzten enpresetan, barruko I+Gko gastua %58,5ekoa izan delako haien kasuan; I+Gko erosketa, %13,8koa; eta beste jarduera batzuk, %27,7koa.

Bizkaian, ordea, barruko I+Gko gastua %51,6koa izan da; I+Gko erosketa (kanpoko I+G), %13,0koa; eta beste jarduera berritzaile batzuk, gainerako %35,4koa, enpresa guztiak kontuan hartuta.

Enpresen %61,9ren ustez, berrikuntza zailtzen duten zenbait faktore daude. Besteak beste, honako hauexek dira faktore horiek: “Beste lehentasun batzuk daude enpresan bertan” (%48,2), “Kostuak handiegiak dira” (%38,9), “Laguntza edo dirulaguntza publikoak lortzeko zailtasunak daude” (%31,6), “Ez dago finantzaketarik enpresan bertan” (%30,4), “Ez dakite ziur ideia horiek nolako eskaera izango duten merkatuan” (%28,6), “Lehia handiegia da merkatuan” (%28,0) eta “Ez dago kanpoko iturri pribatuetako finantzaketarik” (%22,6) edo “Ez dago langile prestatutik enpresan bertan” (%22,4), besteak beste.

10 langile edo gehiago dauzkaten enpresen %68,7ren ustez, jarduera berritzaileak egitea zailtzen duten faktoreak daude, eta aurreko eragozpen berberak nabarmentzen dituzte.

eustat.eus