Medikuntzako aurrerapen hori posible izango da MITeko (Massachusettseko Institutu Teknologikoa) ikerlariek adimen artifizialeko algoritmo bat sortu dutelako, zeinari esker irudien hirugarren dimentsioa berreskuratu baitaiteke argazki bakar batetik -hots, objektu lau batetik- abiatuta. “Eredu hau baliagarri izan daiteke mugimenduagatik lausotu diren bideoak birsortzeko edo pertsona baten mugimendua atzeman dezaketen kamera berriak sortzeko” dio Guha Balakrishnan-ek, MITeko konputazio zientzia eta adimen artifizialeko ikerlariak.

Algoritmo hori beraizik entrenatu dute informazioa berreskuratzeko. “Ikusizko datuek badute guztiz galtzen den dimentsio bat, denborarena edo espazioarena hain zuzen, eta horixe berreskuratzen du algoritmo honek” dio Balakrishnan-ek. Algoritmoak oraindik proba gehiago gainditu behar ditu osasun arloan aplikatzen hasteko, baina zientzialariek uste dute eredu hori baliagarri izan daitekeela 2Dko irudi medikoak gorputzaren 3Dko eskaner bihurtzeko. Sistema hori biziki aproposa izango litzateke garapen bidean dauden herrialdeetarako, kostu baxua izango baitu behin algoritmoa hobetutakoan. “Posible izango da erradiografia bat egin, gure algoritmoan sartu eta galdutako informazio guztia berreskuratzea” dio Balakrishnan-ek.

elpais.com