Programazio-marjina handia duten robotek eta teknologia horiekin konbinatutako labeek apenas behar dute gizakirik lan egiteko. Herrialde askotako ostalaritzako legerietan txertatutako ingurumen arloko murrizketei beste araudi berri bat gehitu beharko zaie, koronabirusaren mehatxua urruntzera bideratua egongo dena. Eta hori guztia, jakien prestakuntzako kalitate estandarrak galdu gabe.

Enpresari eta profesionalek badakite euren bezeroak exijenteak izango direla. Elementu fisikoak erabakigarriak izango dira establezimenduen biziraupenerako, adibidez, gutxieneko distantziak bermatuko dituzten espazioak. Baina halaber, kontuan hartu beharko dira beste alderdi batzuk ere, hala nola, plateretan ateratzen den lehengaiaren manipulazioa, bai etxerako prestatzen den jakien kasuan eta baita ere negozioen jarduera erregularrean. Gainera, inork ezin ditu hobeto bete kontrol-protokoloak autogarbiketa-funtzioa duten ekipoek baino.

Adimen artifiziala eta ikaskuntza automatikoa (machine learning) baliagarri dira orobat produktuak tenperatura egokian eta giro aproposean gordetzeko. Datuen meatzaritzari esker, taberna eta jatetxeek jakin dezakete euren kartako zein proposamen indartu behar dituzten, eta zeintzuk baztertu. Halere, merkatuko hainbat txostenek ohartarazi dutenez, aurrerapen digital hauek eta beste batzuek (hala nola, hondakinen kudeaketan aplikatzen direnek) berekin ekarriko dute lan-esku gutxiagoren beharra.

lavanguardia.com