Ordainketetarako teknologia bioteknologikoen erabilpena lehen urratsak ematen hasi da Espainian Face to Pay konponbidearen bitartez. Proba pilotua laster jarriko da martxan Barcelona Tech City guneko Pier01 zentroan –Payment Innovation Hub zentroaren egoitzan-, 100 antolakunde baino gehiagotako milatik gora pertsona ostatatzen dituen ekosistema berritzailean. Profil teknologiko handiko profesional horiek errekonozimendu biometrikoaren bidez ordaindu ahal izango dituzte eraikinaren behean kokatutako Rodilla jatetxeko erosketak.

Produktu berriaren erabiltzaileek aplikazio bat deskargatu beharko dute sakelakora, bost argazki atera euren aurpegiari, ahotsezko hiru erantzun grabatu, eta prest egongo dira jatetxean eskaera bat egiteko. Kutxa baten ordez tablet bat aurkituko dute ordainlekuan; tablet horrek langilearen aurpegia errekonozituko du eta segundo gutxi batzuetako egiaztapen baten ondoren, aukeratutako produktuak kobratuko zaizkio. Ez diru fisikorik, ez ordaintzeko aplikaziodun telefonorik, ez contactless txartelik. Aurpegia besterik ez. Sistemak zalantzaren bat badu, ahots bidezko egiaztapena eskatuko dio bezeroari. Eta bazkaltzera!

innovadores.larazon.es