Ekonomia zirkularraren helburua da hondakinak eta lehengai premiak desagerraraztea dagoeneko existitzen diren material eta aktiboak produkzio-ziklo barruan mantenduz. Hala, baliabideak ustiatzen, fabrikatzen eta xahutzen dituen egungo ekonomia linealak ez bezala, ekonomia zirkularrak hazkunde ekonomikoa sustatzen du, baina baliabide naturalen gaineko karga arinduz.

• Xiangyang, Txina: Asiako hiri honetan, gobernuak eta enpresetako liderrek itun bat egin zuten lokatzetik energia ateratzeko programa bat inplementatzeko. Ekintza publiko-pribatu horri esker, Xiangyang hiriak bio-birfindegi bat eraiki zuen lehenago hondakin-urak tratatzen zituen instalazio batean. Birfindegiak lokatza erauzten du hondakin-urak tratatzeko prozesutik eta, gero, hiriko elikagai hondakinekin konbinatzen du, horrela biochar eta gas natural konprimitua ekoizteko. Emaitza bikainak lortu dituzte eta negutegi efektua eragiten duten gasen isuriak %95-98 murriztu dira.
• Lurmutur hiria, Hegoafrika: Lurmutur hiriko Hondakin Integratuen Trukea onlineko doako sistema bat da, elkarrekin konektatzen dituena hondakinak edo soberan dituzten materialak trukatu nahi dituzten norbanakoak, eskolak eta konpainiak. Sistemaren helburua da mota guztietako materialen (hasi baterietatik eta metaletara edo oihaletara) fluxu zirkularra ahalbidetzea eta truke horizontala sustatzea. Hala, erabiltzaileek dirua aurrezten dute, energia kontserbatzen da eta zabortegien gaineko presioa murrizten da.
• Kolkata, India: Hiri honetan badago autobus-zerbitzu bat animalien eta landareen hondakinekin egiten den biogas berriztagarriekin funtzionatzen duena. Erregai hori garatzen duen enpresak gobernuarekin lan egin zuen hiri osoan biogas-punpak kokatzeko eta ibilgailuak fabrikatzen dituen Ashok Leyland enpresa garrantzitsuarekin bazkidetu zen autobusak egiteko. Hala, autobusez bidaiatzeko modu hori ez bakarrik da errentagarria, baizik eta baita ere sostengarria: tarifak 0.02 dolarrekoak dira, hurrengo autobus merkeenaren hamabirena.

ticbeat.com