Dokumentuan ezagutza eta informazio ugari bildu dira eraikinen diseinu zirkularreko printzipioei buruz. Beraizik zuzentzen zaie eraikuntzaren industriako eragileei, hasi arkitektoetatik eta eraikitzaile eta erabiltzaileetatik eta arduradunetaraino (politikoak, lege arlokoak eta teknikariak).

Dokumentu honen helburua da printzipio-sorta bat aurkeztea eraikinen diseinu jasangarria egiteko. Diseinu jasangarriaren bidez hondakin gutxiago sortuko da eraikuntza- nahiz eraiste-lanetan, eta eraikuntzako material, produktu eta elementuen berrerabilpena eta birziklapena ahalbidetuko da. Eraikinen ingurumen-inpaktua eta euren bizi-zikloko kostuak ere murriztu nahi dira.

Helburu horiek lortu daitezke tresna espezifikoak aplikatuz txostenak aipatzen dituen hiru arloetan, hots, iraunkortasunean, moldagarritasunean eta hondakinen murrizketan.

Eraikinen iraunkortasuna hobetzeko lortu behar direnak dira diseinu hobea, eraikuntzako produktuen errendimendu hobea eta informazio trukea. Ahal dela, elementu estrukturalek eraikinak adina iraun behar dute. Ezinezkoa bada berezko obsoleszentziagatik, berrerabilgarriak, birziklagarriak edo desmuntagarriak izan behar dute.

Moldagarritasunarekin lortzen dena da eraikinak ez eraistea garaia baino lehen eta, bide horretatik, diseinuaren kultura berri bat sortzea. Horretarako, aurrea hartu behar zaie eskakizunetan gerta daitezkeen aldaketei, eta aukera eman behar da eraikin bat egokitu eta eraldatzeko, horrela lortuko baita hobeto erabili eta berrerabiltzea, erabiltzeko modu berriak aurkitzea eta eraikinaren bizitza amaitzen denerako prestatzea.

Bestalde, hondakinak murrizteko, beharrezkoa izango da produktuak eta sistemak apropos diseinatzea, erraz berrerabili, konpondu, birziklatu edo berreskuratu daitezen.

construible.es