Teknologiak konexioa eta kudeaketarako erraztasuna eskaintzen du, eta abantaila horiek direla medio, duela urte batzuk erabilpen turistikoko etxebizitzak agertu ziren lehenbizikoz. Baina fenomeno horrek hainbat arazo sortu zituen turisten edo etxebizitza horiek kudeatzen dituztenen eta inguruko bizilagunen artean. Arazo nagusia zarata izaten da, eta logikoa baino ez da, ez baita erraza elkarrekin uztartzea familia baten eguneroko bizitza eta turisten ordutegiak.

Roomonitor enpresaren gailuak Noise Alarm du izena eta, apartamendu turistiko batean kokaturik, etxe barruan egiten den zarata monitorizatzen du denbora errealean. Gainera, konpainiak dio gailuak ez duela audiorik grabatzen, beraz, pribatutasuna bermatuta dago.

Funtzionamendu erraz bezain eraginkorra du. Dispositiboak apartamendu barruko zarata maila neurtzen du eta, ezarritako mugak gainditzen badira, sms bidezko alarma bat bidaltzen du edo telefonoz deitzen dio etxejabeari, maizterrekin harremanetan jarri eta zarata kontrolatzeko eska diezaien.

elperiodico.com