I+G+b-tzat jotzen dira hurrengo jarduerak:

• Oinarrizko ikerkuntza edo Zientzia nahiz teknologia alorrean ezaguera berriak eta ulermen handiagoa lortu nahi duen ikertze original eta planifikatua, merkataritza edo industria helbururik gabe.
• Ikerkuntza aplikatua edo ezaguera berriak lortu nahi dituen ikertze original eta planifikatua, horiek produktu, prozesu edo zerbitzu berriak garatzeko nahiz badaudenetan hobekuntza esanguratsua egiteko erabiliak izan ahal daitezen.
• Garapen esperimentala edo produktu, prozesu nahiz zerbitzu berrien plan, eskema edo diseinu batean aplikatutako emaitzak gauzatzea edo hobekuntza esanguratsua egitea, hala nola ezin merkatura daitezkeen prototipoak sortzea eta hasierako erakuste proiektuak edo proiektu pilotuak, beti ere industria aplikazioetarako edo komertzialki ustiatzeko aldatu edo erabili ezin badira.
• Software aurreratua sortzea, aurrerapen zientifiko edo teknologiko esanguratsua dakarrenean, teorema eta algoritmo berriak erabiliz nahiz sistema operatibo eta lengoaia berriak sortuz, edo ezgaitasunen bat daukaten pertsonei informazio gizarteko zerbitzuak erabiltzeko erraztasuna emateko direnean. Ez dira sartuko «software»arekin zerikusia duten ohiko jarduerak.

Gainera, berrikuntza teknologikotzat joko dira jarduerak, haien ondorioz produktu edo ekoizpen prozesu berrietan aurrerapen teknologikoa nahiz badaudenen hobekuntza nabarmenak lortzen direnean. Berritzat joko dira produktu edo prozesuak haien ezaugarri edo aplikazioak, teknologiaren ikuspegitik, aurretik zeudenen desberdinak direnean.

Jarduera honen barruan egongo da produktu edo prozesu berriak plan, eskema edo diseinu batean gauzatzea, bideragarritasun azterketak egitea eta prototipoak sortzea, eta hasierako erakuste-proiektuak edo proiektu pilotuak, eta ehun-laginak, industria aplikazioetarako edo komertzialki ustiatzeko bihur daitezkeenak barne.

Barruan daude Unibertsitateek, Ikerkuntzako Erakunde publikoek edo Berrikuntza eta Teknologia Zentroek egindako diagnostiko teknologikoko jarduerak identifikatzeko, definitzeko eta orientatzeko jarduerak, ateratzen diren emaitzak gorabehera.

Onuradunak

• MICRO
• PYME
• HANDIAK