4.0 Industriak proposatzen duen eszenatokian beharrezkoak dira arlo hauetako adituak: Big Data, adimen artifiziala, robotika, sareak, zibersegurtasuna, simulazioak edo sentsore automatizatuak, eta profesional horiek ezagutza sakonak izan behar dituzte matematika edo fisika bezalako gaietan, betiere programazioarekin konbinatuta.

Izan ere, 3D irudien identifikazio-arazoak konpontzeko, produktu eta kontsumitzaileen artean erlazioak egiteko, mota guztietako prozesuak automatizatzeko, portaerak aurreikusteko edo errealitate birtualaren bidez edukiak, erantzunak zein bideoak sortzeko aukera ematen diguten adimen artifizialeko tresna eta eredu berritzaileen atzean eredu matematiko eta fisikoak daude, algoritmoak daude. Funtsean, jakin-mina duten eta ideiak, ikerketa eta erantzunak eskaintzen dituzten pertsonak daude.

Eredu edo tresna adimendun guztiek dituzte oinarrian matrizeak, gradienteak, bektoreak, balioespenak, inferentziak, aldagai anitzak… baliteke kontzeptu horiek abstraktuak iruditzea, edo urrunak eta baita ere desatseginak, baina argi dago horiek direla adimen artifizialaren, zientziaren edo zibersegurtasunaren muina.

interempresas.net