Ari the e-bike bizikleta elektriko berri bat da, Melbourneko Institutu Teknologikoan diseinatua IBM Research-Australia enpresaren lankidetzarekin. Bizikleta honek adimen artifiziala eta Gauzen Internet erabiltzen ditu bere erritmoa semaforoenera egokitzeko. Horrela, iristean semaforo guztiak berde aurkitzen ditu, ez du gelditu behar, eta, batik bat, txirrindulariaren segurtasuna bermatzen du.

Ibilgailu adimendun berri honen diseinatzaileek adimen artifizialeko algoritmoak erabili zituzten, baldintza normaletan bizikletak zein abiadura estandar izan behar lukeen kalkulatzeko. Gero, Victoriako (Australia) Trafiko Agintaritzaren datuak baliatuz, bizikleta programatu zuten txirrindulariari lagundu diezaion erreferentziazko abiadura hartzen eta mantentzen.

Hala, Ari bizikletak abiadura konstantea mantentzen du. Motorra automatikoki pizten da abiadura jaistean, eta txirrindularia aurreikusitakoa baino azkarrago badoa, bizikletak abisatu egiten dio. Hezur bidezko transmisioko aurikularrak erabiliz (horrela txirrindulariak libre izan ditzake belarriak), bizikleta adimendunak abiadura jaisteko “xuxurlatzen” dio.

innovadores.larazon.es