Bizitzak salbatzeko barrura begiratzen duten sentsoreak

Logura detektagailuak gero eta ohikoagoak dira azken belaunaldiko autoen ekipamenduan. Baina Bosch enpresak urrats bat gehiago eman du: barruko monitorizazio sistema berri bat sortu du, kamerak eta adimen artifiziala (AA) erabiliz. “Baldin eta autoak badaki zertan ari diren gidaria eta bidaiariak, seguruagoa eta erosoagoa izango da gidatzea” azaldu du Harald Kroeger-ek, Robert Bosch GmbH enpresako administrazio kontseiluko kideak.

Bosch-en helburua da gidaketa autonomoa hobetzea. Arreta berezia eskaintzen die une zehatz batzuei, zeintzuetan ibilgailuaren gidaketa automatizatuko sistemak erabakitzen baitu gizakiari dagokiola berriro gidatzeko ardura, nahiz eta gizakia ez dagoen prest horretarako, lotan dagoelako, egunkaria irakurtzen edo pelikula bat ikusten.

Kanpotik datorren arriskua murriztea

Virtual Visor izeneko sistema hau LCD garden batez eta kamera intuitibo batez osaturik dago, eta guztiz ordezkatzen du ibilgailuaren haizetako tradizionala. Orain arteko haizetako beirak ez bezala, Bosch enpresaren teknologiak algoritmo adimendunak erabiltzen ditu eguzkiaren distira blokeatzeko, ez ordea errepidearen ikuspegia.

autobild.es