Konektatutako semaforo-sare bati esker, gidariek aldez aurretik jakin dezakete semaforora iristean argia berde egongo den ala ez.

Lehenbizi Ingolstadt izan zen eta, orain, Audi enpresak Düsseldorf aukeratu du teknologia hau txertatzeko; hiri horretan, 150 semaforo konektatuz osatutako sare batek informazio oso baliagarria bidaliko die gidariei ibilgailuko tresna digitalen koadroaren bitartez. Markaren aurreikuspenen arabera, uda iristerako 450 bidegurutze izango dituzte sarean (guztira 600 lirateke), eta horrek Alemaniako errepideen eraginkortasuna, erosotasuna eta segurtasuna hobetuko du.

Semaforoen informazio-zerbitzu honek bi funtzio ditu: Green Light Optimized Speed Advisory (GLOSA) eta Time-to-Green. Lehenengoak kalkulatzen du zein abiaduratan joan behar duen autoak hurrengo semaforoa berde aurkitzeko, gidariek ez dezaten premia gabe azeleratu, ez daitezen estresatu eta seguruago gidatu dezaten. Gainera, sistema horrek gidariari iradoki diezaioke abiadura gradualki murriztu dezala semaforoetara iritsi baino 250 metro lehenago, bidegurutzera iristean argia berde egon dadin.

caranddriver.com