Aqua-Fi urpeko haririk gabeko sistema bat da, Abdullah Erregea Zientzia eta Teknologia Unibertsitateko (KAUST) ikertzaile-talde batek Basem Shihada-ren esanetara garatua; sistema horren bidez posible da Internet urpean erabiltzea, eta multimedia mezuak bidali eta jasotzea, diodo argi-igorle (LED) bat edo laser bat erabiliz.

LED teknologia material erdi-eroalea da, argi formako erradiazio elektromagnetiko bat emititu dezakeena, eta informazioa bidaltzeko ere erabili daiteke. Argi horrek kolore desberdinak har ditzake, fotoiak igortzeko erabiltzen den energia-bandaren arabera.

LED teknologiak energia gutxi kontsumitzen du distantzia laburreko komunikazioetarako; aldiz, laser teknologiak distantzia handietara bidal ditzake datuak potentzia egokia aplikatzen bazaio.

Gaur egun, Internet ezinbesteko komunikazio-tresna da, azken mendeko bilakaera teknologikoaren fruitua, baina orain arte ez da egon konponbide praktikorik datuak uretatik transmititzeko.

tendencias21.net