3Dko inprimaketaren aplikazioak ezin konta ahalakoak dira, eta zalantzarik gabe, osasunaren sektorekoak dira irtenbide iraultzaileenetakoak eta mundu guztiari interesatzen zaizkionak. Nahiz eta bio-inprimaketa oraindik hastapenetan dagoen, dagoeneko erabiltzen da hainbat ehun fabrikatzeko, hala nola, azala, kartilagoak, hezurrak eta odol-hodiak.

Teknika horri esker, egitura biologikoak geruzaz geruza sor daitezke, esperimentazio medikoetan edo transplanteetan erabiltzeko. Osasungintzako industriek, esaterako, enpresa farmazeutikoek ere probetxua atera ahal izango diote teknika horri, murriztu egingo dutelako medikamentuak garatzeko behar duten denbora.

Milioika lagunen bizi-kalitatea hobetzeaz gain, honek guztiak berekin dakartza negozio-aukera berriak eta enplegu-aukera desberdinak. Testuinguru horretan, dagoeneko jaio da figura profesional berritzaile bat. Organo diseinatzaileez ari gara, hau da, mediku edo erizain oso kualifikatuak, 3Dko inprimaketaren mundua menperatzen dutenak. Profil hori ezinbestekoa izango da ospitale eta laborategietan, horrelako teknikak inplementatu ahal izateko.

expansion.com