Cocoa Motors enpresa japoniarraren Walkcar modeloa da existitzen den MPI txikienetako bat: 13 hatz-beteko ordenagailu eramangarri baten antzeko tamaina du, eta 3 kilo baino gutxiago pisatzen ditu. Hori bai, bizikleta eta patinete elektrikoekin ez bezala, trebetasun eta praktika gehiago behar da Walkar-ekin segurtasunez zirkulatzeko.

Hirirako bakarrik balio duen autonomia dauka, 5 eta 7 kilometro bitartekoa, funtzionatzeko moduaren arabera (modu arrunta edo kirol modua). Bi modu horietako bakoitzarekin orduko 10 km-ko edo 16 km-ko gehienezko abiadura har daiteke, hurrenez hurren.

Karbonozko konposatu batez eta gradu aeronautikoko aluminioz egina dago; hala, tamaina txikia izan arren, 80 kilogramoko gehienezko pisua jasan dezake, fabrikatzailearen arabera. Gainera, kalte txikiak gertatuz gero (adibidez, zapatilek utzitako urradurak), margoa bere kabuz konpontzen da.

economiadigital.com