Helburua

Enpresa txikiei eta sortu berriei finantzaketa eskuratzen laguntzea, horretarako epe luzerako behar dituzten baliabideak eskainiko zaizkielarik berme gisa beren proiektua erabiliz.

Onuradunak

Finantzaketa hau eska dezakete enpresa pribatuek -bai pertsona fisikoek eta bai juridikoek-, baldin eta ETEak badira, jarduera ekintzaile industrial bat edo industriarekin lotutako zerbitzu bat garatzen badute edota informazio gizartearen eta komunikazioen arloan jarduten badute, eta oinarri teknologikokoak edo berritzaileak badira.

Baldintza garrantzitsuenak

• Inbertsio osoaren %30 gutxienez funts propioekin estali beharko da.
• Euskal Autonomia Erkidegoan izan beharko ditu egoitza soziala, erabaki-zentroa edota gutxienez jarduera zentro bat.
• Jarduera hasi eta hiru urte igaro baino lehen aurkeztu beharko du eskaera.
• Bere Enpresa Proiektuaren bidez gutxienez 3 enplegu sortu behar ditu 3 urteko epean, eta konpromisoa hartu behar du denbora horretan Autonomia Erkidegoan dituen establezimenduen egoera mantentzeko.
• Egunean egon behar du Foru Ogasunekin eta Gizarte Segurantzarekin dituen zerga betebeharretan.

Enpresa onuradunek Business Innovation Centre-en (BIC) bitartez aurkeztu beharko dute eskaera eta, horrekin batera, baita ere finantzaketaren xede den Enpresa Proiektuaren azalpenezko memoria.

Kostu finantzagarriak

Hirugarrenei erositako aktibo finkoak instalatzeko, zabaltzeko edota hobetzeko aktibo finkoak eta aktibo zirkulatzailea.