Askoz errazagoa da zerri baten aurka borrokatzea (zerri birtuala bada ere) lagun baten laguntza izanda. Horixe ondorioztatu da Microsoft enpresako ikerlari batzuek antolatutako lehiaketa batean, zeinaren bidez jakin nahi izan baita adimen artifizialeko (AA) sistemak gai diren elkarlanean aritzeko eta, bide horretatik, arazo zailei aurre egiteko. Beste kontu bat da nola kolaboratu behar den zerrien aurkako lankide horrekin.

Adimen artifizialaren alderdi ezezagunetako bat landu da lehiaketan. AAko ikerlariek garatzen duten softwarea gai da gizakiaren zeregin zehatz bat egiteko, adibidez xakean edo Go jokoetan aritzeko, eta ikerlariek software horren errendimendua neurtzen dute gizaki bati gailentzeko duen gaitasunaren arabera. Hala ere, giza adimenak bere baitan hartzen ditu komunikazioa, adimen soziala eta adimenaren teoria, hau da, beste izaki adimendun bat interpretatzeko eta haren asmoei aurrea hartzeko gaitasuna.

Proiektu honek hainbat pista ematen ditu jakiteko posible izango ote den, egunen batean, gizakien eta adimen artifizialeko sistemen arteko elkarlana, beren zatien batura baino gehiago izan daitezen.

technologyreview.es