“Super-ahalmenak eman nahi dizkiot jendeari. Arropak eta teknologiak, fashiontech eta wearable piezek, arropa adimendunek… erabiltzailearekin erlazionatzeko modu berri bat sortu dute, non arropa, erabiltzailea eta ingurunea konektatu eta eraldatu egiten baitira” azaldu du.

Sakelako telefonoan instalatutako aplikazio baten bidez, arropak kolorez aldatzen dira arropa horiek soinean daramatzan pertsonaren aldartea islatzeko.

Diseinatzaileak teknologia erabili du sormena eta adierazpena indartzeko, gure garaiko estetika berrimajinatuz.

“Teknologia errealitate bat da. Iritsiko da unea non gure eguneroko bizitzaren hain barruan egongo den, ezen ikusezina izango baita, eta gure zentzumenak indartu eta zabalduko baititu modu organiko eta naturalean” azpimarratu du diseinatzaile murtziarrak.

Constanza Masek Samsung EGO Innovation Project ekimenaren X. edizioa irabazi zuen estresa detektatzen duen soineko batekin; horixe izan zen bere karrerako inflexio-puntua.

lavanguardia.com