Garratzetik gozora baia batekin. Horra Baïa Food enpresa gorakor txikiak dakarren proposamena. Hemendik gutxira -urtebetera- merkaturatu nahi du “mirarizko baia” izenarekin ezagun egin den basa-fruitua, baiak kontsumitu ondoren jaten diren elikagai garratzek zapore gozoa hartzen dutelako.

Estatu Batuetako eta Asiako merkatuetan saltzen den baia honen propietateek “mingaina tapizatzen” dute, nolabait esateko; hala, baia hori kontsumitu eta handik ordubetera jandako elikagai garratz edo mingotsei zapore gozoa hartzen zaie azukrerik edo edulkoratzailerik erantsi gabe; halaxe azaldu du Loan Bensadon, Baïa Food enpresako fundatzaile eta I+G+B saileko arduradunak EFEemprende aldizkariarekin eginiko elkarrizketa batean.

Bensadon-ek esan duenez, beren helburua ez da sakarosa ordezkatzea edo desagerraraztea, baizik eta tresna bat eskaintzea elikagaiak azukrerik gabe hartu ahal izateko, batik bat diabetesa edo osasun arazoak dituzten pertsonentzat. “Betiko elikagaien kalitatea murriztu egin da denborarekin, supermerkatuek nahiago dutelako produktuaren edertasun hedonikoa konposaketa nutrizional egokia baino” gaineratu du.

autonomosyemprendedor.es