Microsoft enpresak eta Björk abeslari bikainak amestu duten mundu ideal horretan, kantari islandiarraren ahots-nota berezi eta pertsonalek sortutako musika izango da klimaren edo fenomeno atmosferikoen eraginez aldatuko den gauza bakarra.

Konposatu duten piezak “Kórsafn” du izena (“koroaren artxiboa” islandieraz) eta behin eta berriz errepikatuko da New Yorken 2019ko udaberrian irekitako hotel bateko hallean.

"Kórsafn" piezak Björk-en artxibo musikaletako soinuak biltzen ditu, zeintzuetan hainbat moldaketa txertatu baitira, esaterako, Islandiako Hamrahlid abesbatzaren partitura batzuk. Björk abesbatza horretako kide izan zen eta, berriki, talde horrexekin aurkeztu zuen “Cornucopia” izeneko bira.

Microsoft en AA erabiliz, interprete magikoak bere ahotsarekin egiten dituen itzuli, biraketa eta xaramelak aldatu egingo dira egunsentien, ilunabarren eta presio barometrikoak jasandako aldaketen arabera, hoteleko teilatuan kokatutako zuzeneko kamera bat baliatuz.

Hala, bariazio berriz jositako kate amaigabe bat osatuko da, zeinak, eguraldiak egiten duen bezala, sentsazio eta aldarte desberdinak ernaraziko baititu hoteleko bezeroengan.

culturainquieta.com