Horra Kanadako Aprilli diseinu-estudioaren ideia futurista, berrikuntza arkitektoniko ausartenei ematen zaien Radical Innovation Award saria irabazi duena.

Proiektuak Autonomous Travel Suite du izena, hau da, “suite mugikor autonomoa”. Kontzeptu berri honek egonaldia eta garraioa integratzen ditu. Bidaiaria ibilgailu-logelan ostatatuko da, eta ibilgailuak hoteleraino eramango du bere egonaldiarekin jarraitu dezan.

Suite mugikor honek badauzka lotarako, lanerako eta garbiketarako oinarrizko instalazioak, beraz, bidaiariek askoz modu eraginkorragoan eta produktiboagoan aprobetxa dezakete bidaiaren denbora.

Gidatze autonomoaren teknologiari esker, gurpildun suiteak balio du bidaiariaren ibilgailu pertsonala izateko edo hoteleko logela mugikor izateko. Prozesu osoa kontrolatzen da aplikazio baten bidez, diseinatzaileek Hotel Autonomoak deitu dituztenekin konbinatuta. Hotel Autonomoak eraikin bat da, suite mugikorrak integratzeko erabiltzen dena; bertan kargatzen dira bateriak eta bidaiariak hotelek eskaini ohi dituzten beste zerbitzu batzuk erabil ditzake: logela handiagoa, garbiketa zerbitzua, igerilekua, gimnasioa, jatetxeak…

Proiektuak zerbitzu bakarrean integratzen ditu hotela eta taxi edo alokairuko auto bidezko garraioa. Baina diseinatzaileak anbiziotsuak dira, eta distantzia luzeko bidaiak (hegazkinez edo trenez) ere ordezkatu nahi dituzte. Hala, ibilgailu autonomoak bere etxeko atean jasoko luke bidaiaria eta Hotel Autonomoraino eramango luke.

hosteltur.com