Aurtengo txostenean aipatzekoa da aldaketak gertatu direla lehen hiru postuetan: New Yorkek hiru postu egin du gora, Tokio eta Londresen aurretik jarriz eta postu bana jaitsaraziz biei. Hiru horiekin batera, lehen hamar hirien artean sartu dira Los Angeles, Singapur, Paris, Chicago, Boston, San Frantzisko – San Jose eta Toronto.

Bestalde, bada datu azpimarragarri bat 12. edizio honetan, gorakada handiak gertatu baitira Top 50aren barruan: Moskuk 10 postu egin du gora, 38. tokian geratu delarik; halaber, Bartzelona (+9), Beijing (+11), Madril (+12), Milan (+11), Las Vegas (+11), Istanbul (+10) eta Taipei (+16) hiriek ere gorantz egin dute nabarmen.

Espainiako hiriei erreparatuz gero, Bartzelona (21) eta Madril (28) dira zerrendan agertzen diren hamar hirietatik ongien kokatuta daudenak.

Ebaluazio irizpideak hiru bloketan sailkatuta daude. Lehenik eta behin, kultur aktiboen irizpidea dago, zeinak kontuan hartzen baititu, besteak beste, bisatuak lortzeko baldintzak, gizon eta emakumeen arteko berdintasuna, jatetxeen kalitatea, etab. Bigarrenik azpiegiturak neurtzen dira, hau da, aireportuetara iristeko garraioak, gobernuak informazio teknologien inguruan dauzkan politikak, etab. Azkenik, kontuan hartzen da merkatu-sarea ere, non indar estrategikoa eta sare sozialak neurtzen baitira, besteak beste.

innovation-cities.com