Pertsonak erdigunean jarri behar ditugu, saiatu behar dugu pertsonak hobetzen, eta ez ordezkatzen. Esaldi horrek laburbiltzen du adimen artifizialaren (AA) funtsa, eta gure bizitzaren parte diren goi-mailako teknologiak modu justu edo etikoan erabili nahi dituztenek hertsiki jarraitu beharko liokete filosofia horri.

Innovación Bankinter Fundazioak gai hau jorratzeko sortu duen Future Trends Forum think tank-ak horrelako gomendioak jaso ditu, helburutzat hartuz makinak hazkunde pertsonalerako tresna izatea, eta ez enpleguaren etorkizunerako mehatxu bat. Zeren, funtsean, denok ohitu beharko dugu lan egiteko beste modu batzuetara, nahiz eta oraindik ez gauden prest.

Adecco Group Institute, Insead eta Google enpresek egin duten Talentu Globalaren Lehiakortasun Indizeak iragarri du AAren etorkizunerako funtsezkoa izango dela gizakien eta makinen arteko harreman arrakastatsuak lortzea jarduera hibridoak garatuz lantokietan eta lan merkatuan.

Gainera, ohartarazi du gaitasun konbinatu berriak beharko direla.

Analisi honen arabera, arazo larriena da garapen bidean dauden herrialdeetako biztanleen erdiak baino gehiagok ez daukala oinarrizko gaitasun digitalik.

expansion.com