Eta bere proposamena ezin deigarriagoa da: txikle edo karamelu formako urruneko aginte bat egin du, ahoan sartzen dena eta gai dena aparatu desberdinak kontrolatzeko eskuak edo ahotsa erabili gabe. Horrela, testuinguru anitzetako “elkarreragin diskretuak” ahalbidetzen dira, ingeniari galiziarrak berak CHI (gizaki-makina erlazioetarako interfaze berriei buruzko nazioarteko konferentzia) ekitaldiaren azken edizioan azaldu duen bezala.

ChewIt gailuaren erabilpen agerikoena da motorra duten gurpildun aulkien erabiltzaileek eman diezaioketena. Askok dagoeneko erabiltzen dituzte bestelako mekanismo batzuk motorra martxan jartzeko eta aulkia gidatzeko edo gelditzeko: jockstick-ak edota sip and puff sistemak (xurgatu eta putz eginaz funtzionatzen dutenak), lepotik beherako paralisia duten pertsonentzat pentsatuak. “

Praktikan, gurpildun aulkiek ChewIt gailuarekin eginiko ekintzei obeditzen diete, egilearentzat errazenak direnak kontuan hartuta. Adibidez, posible da ibilgailua programatzea “karameluari” hozka egitean martxan jar dadin, eta berriz hozkatzean gelditu dadin, edo eskuinera zein ezkerrera biratu dadin ChewIt ahoaren alde horietako bakoitzera eramaten denean.

elpais.com