Kyoto City Tourism Association-ek (KCTA), milaka urte dituen Kyoto hiriko turismo bulegoak, abiarazi du Kyoto Tourism Navi ekimena. Semaforo moduko bat da, adimen artifizialean oinarritua dagoena. Semaforo horrek “turisten erosotasun-maila” aurreikusten du eta bisitari dentsitate txikiagoko ibilbide alternatiboak proposatzen ditu.

Kyoto Tourism Navi eskuragarri dago Kiotoko turismo bulegoaren webgune ofizialean, eta, egutegi bat balitz bezala, gai da bisitariek hirian aurkituko duten “erosotasun-maila” aurreikusteko sei hilabete lehenagotik.

Baina, nola neurtzen da erosotasun-maila hori? Adimen artifiziala erabiliz. “Azken hiru urteetako datuak –enpresa pribatuekiko lankidetzatik lortuak- gurutzatuz lortzen da aurreikuspena: kontuan hartzen dira sakelako telefonoen geo-kokapena, eguraldia, astegunak edota hiriko zenbait tokitako bisiten dentsitatea.

Adimen artifizialaz baliatuz, aplikazioak “zehaztasun handiz” eta bost mailatan banatzen du pilaketa globala Kiotoko hirigune eta erakarpen turistiko guztietan, eta hala, denbora errealeko alternatibak eskaintzen dizkie inurritegi turistikoetan sartu nahi ez duten bisitariei. Modu horretara, bisitaria ez da frustratzen eta atea zabalik uzten da Kiotora itzul dadin.

elmundo.es