Erakunde onuradunak

5-100 langile dituzten enpesak, industrian, eraikuntzan, garraioan, industriarekin lotutako zerbitzuetan, turismoan eta handizkako merkataritzan jarduten dutenak.

Erakunde onuraduntzat hartu ahal izango dira, halaber, baldintzak betetzen ez dituztenak, baldin eta horien guztien gastua diruz lagun daitekeen oinarri osoaren % 20 baino handiagoa ez bada.

Diruz lagundu daitezkeen proiektuak

Laguntzen helburua da hainbat erakundek partzuergoan garatutako proiektuak sustatzea, honako tipologia hauen baliabideak, arriskuak eta balizko onurak partekatuz.

a) Berrikuntza-proiektuak lankidetzan.

Diruz lagundu daitezkeen proiektu horiek, besteak beste, ekintza hauek izan ditzakete:

• Produktu edo zerbitzu berriak diseinatzea edo garatzea, edo lehendik daudenen prestazioak nabarmen hobetzea, merkatuan sartzeko.
• Negozio-eredua eraldatzea balio erantsi handiagoko elementuak saltzera bideratzeko, «zerbitizazioa» barne, hau da, produktua saltzetik produktua + zerbitzua binomiora arteko bilakaera.
• Berrikuntza, merkatu berrietara irekitzeko eta produktuak eta zerbitzuak merkaturatzeko bide berriak sortzeko

b) Berrikuntza-proiektuak eragin ditzaketen hainbat enpresen artean modu kooperatiboan identifikatutako negozio-aukeren bideragarritasuna aztertzea. Mota horretako proiektuak honako jarduera hauek barne hartuko dituzte:

• Identifikatutako negozio-aukerari eta etorkizuneko ustiapenari buruzko bideragarritasun-azterlanak.
• Partzuergoa eratzeko eta dinamizatzeko lanak