Industria 5.0 Sariketa jatorrira itzuli da, eta gizakia eta planeta jarri ditu erdigunean.Horrela,industriaren ikuspegi berri bat eskaintzen du, alegia, industria bat eraginkortasunetik eta produktibitatetik harago doana etaareago indartzen duena gizartean duen papera eta egiten duen ekarpena.

Europako Batzordeak abian jarri du “Industria 5.0” Sariketaren lehen deialdia, zeinaren helburua baita aitortza egitea funts europarrak erabiliz Batzordearen lehentasunekin (Europako Itun Berdea, Europaren etorkizun digitala eta pertsonen zerbitzura egongo den ekonomia) lerrokatuta dauden proiektuak garatu dituzten enpresei.

Onuradunak

Sariketan parte hartzeko, enpresek industrian aplikagarriak diren proiektuak izan behar dituzte. Proiektu horiek martxan edo amaituta egon daitezke, baina 2018ko irailaren 1etik aurrera hasitakoak izan behar dute, eta gainera, Horizon 2020 edo Horizon Europe programek edo Europako Berrikuntza eta Teknologia Institutuak (EIT) finantzatuta egon behar dute.

Ebaluatuko diren irizpideak

Hautagaitzak ebaluatzeko kontuan hartuko dira irizpide hauek: jasangarritasunari eginiko ekarpena, erresilientziari eginiko ekarpena, gizakia industriaren erdigunean kokatzea, integrazioa, indar inspiratzailea eta transbertsaltasuna.