Gainera, inkesta honek aukera ematen digu berrikuntzaren Intentsitate Indize bat egiteko, eta indize horrek Bizkaiko enpresen jarduera berritzailearen sistematizazio maila neurtzen du. Bizkaiko enpresa berritzaileen %28,4k berrikuntza maila handia edo oso handia du.

Berritzen duten enpresen profila:

• Sektore bereko beste enpresa batzuekin edo beste sektore batzuetako enpresekin eta berrikuntza agenteekin lankidetzan dihardutenak.
• Beren jarduerak garatzeko Laguntza Publikoak jaso dituzten enpresak.
• Enpresa esportatzaileak, batez ere, esportazioa jardueraren atal garrantzitsutzat dutenak.
• Antzinatasun gutxiko enpresak.
• Inplementatutako ekintzekin beren igurikapenak ase dituzten enpresak.

Bestalde, Bizkaiko enpresen %48,2k ez dute inolako berrikuntza jarduerarik egin azken lau urteotan. Horietatik %76,4k uste du ez dela premiazkoa jarduera berritzaileak egitea.
Enpresek diote gaur egungo testuinguru ekonomikoak eragina duela beren jarduera berritzailean, eta horietatik bi herenek beren berrikuntzako helburuak murriztu dituzte; baina, etorkizunari begira, berrikuntzako inbertsio ahaleginaren arloan gehienek egonkortasunaren aldeko apustua egin duten arren, bada joera positibo bat, zeinetan produktu edo zerbitzu berrien ekimenek, marketinak eta merkaturatzeak protagonismo handiagoa baitute.
Hona hemen Norabidea 2014 azterlanean analizatu diren alderdi batzuk:

• Bizkaiko enpresen jarduera berritzailea
• Berrikuntza intentsitatearen indizea
• Enpresetako berrikuntzaren ezaugarriak
• Enpresa ez berritzaileak, nolakoak diren eta zergatik ez duten berritzen.
• Kultura berritzailea: giza kapitala, ezagutzaren kudeaketa eta berrikuntza babesteko metodoak.
• Lankidetza da berrikuntzarako bidea
• Marketin eta merkaturatze arloetako berrikuntzak