2019an, Bizkaian eginiko patente-eskaeren kopurua bere horretan mantendu da eta guztira 32 eskaera egin dira, 2018an baino bat gutxiago.

EAE osoa kontuan hartuz gero, 2019an eskaera-kopuruak behera egin du, guztira 73 izan direlarik (2018an baino hamalau gutxiago).

Diseinu industrialeko eskaerei dagokienez, Bizkaian 17 eskaera egin dira 2019an, hau da, 2018an baino lau gutxiago.

Kopuruei erreparatuta, diseinu industrialeko eskaerak gutxiago izan dira EAE osoan, zehazki 36, 2018an baino sei gutxiago.

Erabilgarritasun-ereduen eskaerei dagokienez, ikus liteke 2019an hazkunde nabarmen bat eman dela. Gorakada handiena Bizkaian gertatu da, non 15 eskaera gehiago egin baitira (44tik 59ra igaroz).

EAE mailan ere erabilgarritasun-ereduen eskaera gehiago egin dira, zehazki, 2018an baino 30 gehiago.

Marka eskaeren kasuan, berriz, 2019ko lehen seihilekoko datuek diote Bizkaian egin direla marka eskaera gehien, guztira 995 (2018ko lehen seihilekoan baino 14 gutxiago).

Datu horien arabera, EAE mailan jaitsiera bat dago, 1.960 marka eskaera egin baitira guztira, hau da, 2018an baino 32 gutxiago.