Baina gaur egungo gidariak ez dira fidatzen biharko autoekin. Ziurrenik, egoeraren kontrola galtzeko beldurragatik. Ez dutelako igaro nahi gidari izatetik bidaiari soil izatera. Baina, itxuraz, teknologiak bakarrik dauka horren konponbidea: iritsiko da eguna non adimen artifiziala gai izango baita gizakion emozio labirintikoak benetan ulertzeko, eta orduan, pertsonek konfiantza osoa izango dute makinetan.

Horregatik, ikusiko ditugu jabearekin enpatizatzen duten autoak, hau da, gidariaren aldartearen arabera, musika, argiak eta aire-gozagarria aldatuko dutenak. Dena den, hori iritsi arte markek beste helburu batzuk finkatu dituzte: autoak jakin dezala berogailua pizten ozen eskatzen zaionean eta ez dezala ulertu Ebro etorbidea Euro etorbidea esaten zaionean. Horixe da elkarreragin naturaleko sistema berriek agindu digutena: autoari hitz egin ahal izango diogula

BMW enpresak proposatzen duen sistema are konplexuagoa da, ahotsaz gain begiradak eta keinuak ere kontuan hartuko baititu. Gidaria ondoan duenarekin hizketan ari bada, autoko menua kudeatu ahal izango du keinu batekin eta begirada batekin; aldiz, ez badu begirik kendu nahi errepidetik, nahiago izango ditu ahotsezko aginduak, agian eskuen mugimenduekin konbinatuta.

elpais.com