Hirugarren edizio honetan BeDigital erreferentziazko foro bihurtuko da industriaren eraldaketa digitalean. Etengabeko bilakaeran murgilduta dagoen eta konpainien lehiakortasunerako erronka berriak planteatzen dituen merkatu baten aurrean,BeDigital erakusleiho paregabea da digitalizazio aurreratuaren arloko azken konponbideak eta tresnak erakusteko. Software, IKT, informatika eta ekipo garatzaileek, aholkularitzek eta teknologi zentroek aurkeztuko dituzte tresna horiek.

BeDigital ekitaldiaren aurtengo edizioan, produktuak erakutsi eta aurkezteko guneaz gain, kongresuak egiteko eta networking saioetarako gune bat izango da. Hala, Digital Talks deiturikoetan -berrikuntzari buruzko eduki teknologiko eta estrategikoko hitzaldiak- Estatuko zein nazioarteko punta-puntako enpresetako ordezkariek hizpide hartuko dituzte digitalizazioaren bilakaera, ezarpena eta erronka handienak, esperientzia propioak azalduz eta kasu arrakastatsuak lehen pertsonan aurkeztuz. Saio horietan enpresa erabiltzaileen hiru produkzio-fase handienak landuko dira –aurre-produkzioa, produkzioa eta post-produkzioa-, denak IoT, Adimen Bisual eta Artifizialaren ikuspegitik. Horrez gain, zibersegurtasun arloko gaurkotasunezko gaiak ere jorratuko dira. Bestalde, enpresa erakusleek eta babesleek aukera izango dute euren proposamen teknikoak eta berrikuntza arloko proposamenak erakusteko Innovation Workshop izeneko tailerretan. Bost edo hamar minutu inguruko aurkezpen laburrak izango dira, pabiloiaren erdialdean kokatutako Speakers’ Corner gunean egingo direnak.

Lekua eta data: Barakaldon, 2020ko maiatzaren 25etik 29ra

bedigital.bilbaoexhibitioncentre.com