Munduko Ekonomi Foroaren “Lan arloko Etorkizuna 2018” txostenak dio hainbat joera garrantzitsuk -nola baita robotizazioaren eta automatizazioaren gorakada- lan guztiaren %42 ordezkatuko dutela 2022an (gaur egun %29koa da portzentaje hori). Horrek esan nahi du murriztu egingo dela lanaldi osoko lan-indarra (%50 txikiagoa izango da), baina kontuan hartu behar da balio eta produktibitate handiagoko postu berriak sortuko direla (%30 gehiago), malgutasun handiagoa egongo dela eta gehiago joko dela kanpo-kontratazioetara.

Txosteneko ondorio garrantzitsuenaren arabera, positiboa izan daiteke rol sorkuntzaren eta desagertzearen arteko saldo garbia, baldin eta gai bagara “talentuaren erronka handia” gainditzeko:

• Rol espezializatu berrien eskaerari aurre egitea.
• Langileen prestakuntza eta reskilling-a.
• Etengabeko lana egitea talentua identifikatzeko eta erakartzeko.
• Pertsona “kaltetuenak” (adin nagusikoak edo prestakuntza digital txikiagoa dutenak) olatu honetan sartzea.

Laburbilduz, etorkizuna espero genezakeena baino abegitsuagoa izan daiteke, baldin eta antolakundeak eta pertsonak egokitzen baditugu ingurune berrira eta bere eskakizunetara. Horretarako, ezinbestekoa izango da pentsaera aldatzea eta langilearen esperientzia etengabe hobetzea.

inesdi.com