José María Lagarón zientzialariak zuzentzen du lantaldea, zeina aktiboki ari baita lanean pandemiaren hasieratik Bioinicia enpresarekin batera, maskaretan integratu ahal izango diren material iragazleak garatzeko.

CSICen Osasun Globaleko plataformak eta AVIk (Agència Valenciana de la Innovació) onartu dute proiektu hau COVID-19aren pandemiari aurre egiteko ekimen gisa.

Hala, IATAren helburua da material iragazkiak eskuratzeko zailtasunak gainditzea eta maskaren kalitate profilaktikoa hobetzea, babes pasiboa (birusaren sarrera eragozten dute) eta aktiboa (birusak hiltzen dituzten produktuak dauzkate iragazkietan) izan daitezen birusaren aurka.

Era berean, lantaldearen helburua da material biodegradagarri bat lortzea, babes materialak masiboki erabiltzean sortuko diren hondakinak ez daitezen arazo bihurtu ingurumenerako. Dagoeneko egin dituzte oso eraginkorrak diren iragazki suntsikorrak, egunero aldatu daitezkeenak, maskara osoa egunero bota beharrik ez izateko.

deia.eus