Esportazioei dagokienez, maila teknologiko altu eta ertain-altuko produktuen artetik, aipatzekoa da 2014arekin alderatuta produktu hauek hazkunde tasa handia izan dutela: garraiorako materialaren fabrikazioa, salbu eta ontzigintzakoa eta sektore aeronautikokoa (%49,5), arma eta munizioen fabrikazioa (%20,7) eta aeronautikako eraikuntza eta eraikuntza espaziala (%13). Industria kimikoak jasan du jaitsiera handiena (%24,8).

Inportazioei dagokienez, maila teknologiko altu edo ertain-altukoen artean sailkatutako produktuak Bizkaiko inportazioen %42,3 izan ziren 2015ean, 2014an baino 7 puntu gehiago (%35,3).

Maila teknologiko altu edo ertain-altukoen artean sailkatutako produktuen inportazioei dagokienez, farmaziako produktuen fabrikazioak izan du hazkunde handiena (%58,8), atzetik dituelarik material eta ekipo elektrikoen fabrikazioa (%20,1) eta ibilgailuen makineria eta ekipoen fabrikazioa. Armen eta munizioen fabrikazioak izan du jaitsiera handiena (%29).

Esportatutako maila teknologiko altuko produktuen jomugen artean Erresuma Batua kokatu da aurten lehen postuan (59.015 milioi euro), hartzaile nagusiaren tokia kenduz AEBei.

Inportatzen diren maila teknologiko altuko produktuen jatorriari dagokionez, Frantzia da nagusi (46.048 milioi euro), lehen tokia kendu diolarik Erresuma Batuari.
Lurralde historikoka, Gipuzkoa izan da maila teknologiko altuko esportazioak gehien ugaritu dituena (2014an baino %6,5 gehiago), ondoren Bizkaia (%3,7) eta, Araban berriz, %8,4 murriztu dira.

Maila teknologiko altuko inportazioen kasuan, Bizkaia da 2014arekin alderatuta inportazioak gehien ugaritu dituena (%10,1); Araban, aldiz, %42,3 jaitsi dira eta Gipuzkoan %2,7.